Þjálfari Íslandsmeistara Tindastóls Pavel Ermolinski er farinn í veikindaleyfi. Staðfestir félagið þetta með færslu á samfélagsmiðlum fyrr í dag.
![](https://www.karfan.is/wp-content/uploads/2023/11/svavar2324tinda-1024x629.jpg)
Samkvæmt félaginu mun Svavar Atli Birgisson tímabundið taka við stjórn liðsins, en honum til aðstoðar verður Helgi Freyr Margeirsson. Félagið biður fjölmiðlafólk um að sýna Pavel tillitssemi í umfjöllun sinni um þessar breytingar og virða friðhelgi hans í bataferlinu. Enn frekar er tekið fram að félagið mun ekki tjá sig frekar um málið á næstunni.