Icelandair í samstarfi við KKÍ og Stöð 2 Sport bjóða uppá spennandi ferð fyrir alla körfuboltaunnendur til New York frá 5. – 8. febrúar næstkomandi. Farið verður á 2 leiki í NBA deildinni, Brooklyn Nets – San Antonio Spurs 6. febrúar og New York Knicks – Denver Nuggets 7. febrúar. Gist er á Cosmopolitan hótelinu sem er 3ja stjörnu hótel í Tribeca hverfinu.
Með í för verða NBA spekingarnir Svali Björgvinsson og Friðrik Ingi Rúnarsson. Báðir hafa mikla þekkingu og innsýn í NBA körfuboltann og hafa m.a. séð um lýsingar á deildinni á Stöð 2 Sport um langt árabil.
Skoðunarferðir um Barcleys Center, heimavöll Brooklyn Nets og Madison Square Garden, heimavöll New York Knicks.
