Jakob Sigurðarson og félagar í Sundsvall Dragons töpuðu í gærkvöldi 80-66 fyrir Uppsala og einvíginu 3-1. Jakob var með 12 stig fyrir Sundsvall en stigahæstur var Andrew Spagrud með 15 stig.
Eru þetta án efa mikil vonbrigði fyrir Jakob og Sundsvall en þeir voru ríkjandi meistarar og enduðu í 3. sæti í deildinni í vetur.
Þrátt fyrir þetta tap hefur Jakob átt frábæran vetur með liði Sundsvall og verið með stigahæstu leikmönnum deildarinnar.
Í undanúrslitum mætast Plannja og Uppsala annars vegar og Norrkoping og Solna hinsvegar.
Undanúrslitin hefjast á þriðjudag.
