Sundsvall Dragons höfðu í kvöld tíu stiga útisigur gegn KFUM Nassjö, botnliði sænsku úrvalsdeildarinnar. Lokatölur voru 78-88 Sundsvall í vil þar sem Mikael Lindquist var stigahæstur í liði Sundsvall með 20 stig.
Jakob Örn Sigurðarson skoraði 16 stig fyrir Sundsvall og Hlynur Bæringsson daðraði við þrennuna með 12 stig, 18 fráköst og 7 stoðsendingar. Ægir Þór Steinarsson bætti svo við 7 stigum og 3 fráköstum.
Eftir leikinn í kvöld er Sundsvall í 4. sæti deildarinnar með 32 stig, 16 sigra og 13 tapleiki.
