09:16:52
Fátt var um óvænt úrslit í NBA-deildinni í nóitt þar sem Boston og Lakers unnu sína leiki, þó það hafi staðið óþarflega tæpt hjá þeim síðarnefndu gegn Washington Wizards, Orlando, Cleveland og Houston unnu líka sína leiki.
Nánar um leikina hér að neðan:
Boston státar af lengstu sigurhrinunni í NBA þessa dagana, en þeir hafa unnið 11 leiki í röð. Þeir lentu ekki í teljandi vandræðum við Portland Trailblazers og voru búnir að klára leikinn fyrir fjórða leikhluta. Skemmst er frá að segja að allir leikmenn Portland áttu slæman dag og áttu ekki mikinn möguleika gegn jöfnu og sterku liði meistaranna.
Lakers voru með góða forystu gegn Washington, sem er á botni Austurdeildarinnar, en það varð að engu í fjórða leikhluta þegar varamenn Lakers misstu leikinn úr höndum sér og ekki bætti úr skák að Kobe Bryant átti ekki góðan dag.
Bryant missti marks úr öðru af tveimur vítaskotum sínum á lokasekúndunum þannig að í stöðunni 106-104 fékk Caron Butler, fyrrum leikmaður Lakers, tækifæri til að tryggja Washington sigur, en 3ja stiga skota hans geigaði og Lakers mega prísa sig sæla með sigurinn.
Úrslit næturinnar:
Oklahoma City 89
Orlando 98
LA Lakers 106
Washington 104
Indiana 73
Cleveland 97
Minnesota 84
New Jersey 113
New York 95
Atlanta 98
LA Clippers 81
Memphis 93
Portland 78
Boston 93
Philadelphia 96
Detroit 91
Charlotte 96
Milwaukee 101
Golden State 112
Houston 131
Toronto 87
Utah 114
ÞJ
