Eftir tvo góða sigra í fyrstu tveimur umferðum ENBL deildarinnar mátti Tindastóll þola sitt fyrsta tap í dag er liðið laut í lægra haldi gegn Opava í Tékklandi, 95-68.
Líkt og tölurnar gefa til kynna var leikur dagsins aldrei neitt sérstaklega spennandi. Opava voru 15 yfir eftir fyrsta fjórðung og 21 stigi á undan í hálfleik. Stólarnir ná svo aldrei að gera þetta að leik í seinni hálfleiknum.
Stigahæstir fyrir Tindastól í dag voru Ivan Gavrilovic með 13 stig, Davis Geks með 11 stig og Júlíus Orri Ágústsson með 10 stig.
Þrátt fyrir tapið eru Stólarnir í ágætis málum í deildinni, með tvo sigra og eitt tap, en næst leika þeir gegn Manchester Basketball heima í Síkinu þann 11. nóvember.
