Stórleikir á Spáni í dag og á morgun

Um helgina verða stórir og mikilvægir leikir á boðtsólunum hjá okkar mönnum á Spáni. Haukur Helgi Pálsson mætir á útivöll gegn Valladolid og Jón Arnór Stefánsson fer með Zaragoza til Barcelona.

 

Haukur og Manresa leika í dag en Jón Arnór og Zaragoza á sunnudag. Manresa heimsækir Valladolid sem er í fimmtánda sæti deildarinnar en Manresa í átjánda og síðasta sæti. Sigur í dag yrði Manresa afar dýrmætur upp á framhaldið. Á morgun verður Jón svo á ferðinni með Zaragoza þegar liðið mætir stórliði Barcelona sem er í 3. sæti deildarinnar en Zaragoza í því fimmta, sigur hjá Zaragoza jafnar Barcelona að stigum! Það er því vert að fylgjast með ACB deildinni um helgina þar sem tveir af fremstu leikmönnum þjóðarinnar munu standa í ströngu.

 

Rætt er við Hauka Helga Pálsson í Morgunblaðinu í dag og brot úr því samtali má finna inni á mbl.is