Srdan Stojanovic hefur yfirgefið fyrstu deildar lið Selfoss samkvæmt heimildum Körfunnar.
Srdan kom til liðsins fyrir yfirstandandi tímabil og hefur skilað 21 stigi, 6 fráköstum og 6 stoðsendingum að meðaltali í leik það sem af er, en Selfoss situr í 4. sæti deildarinnar með 8 stig líkt og Hrunamenn og Ármann.
Fyrst kom Srdan til Íslands árið 2018 til þess að leika með Fjölni og var hjá þeim allt til ársins 2020. Tímabilið þar á eftir 2020-21 lék hann með Þór Akureyri.