Nú er hálfleikur í úrslitaviðureign Íslands og Svartfjallalands á Smáþjóðaleikunum en gestirnir frá Svartfjallalandi hafa verið sjóðheitir þennan fyrri hálfleikinn og sett niður alls 12 þrista í 22 tilraunum! Staðan er 41-61 Svartfellingum í vil þar sem Milutin Dukanovic er með 12 stig en hjá Íslandi er Logi Gunnarsson stigahæstur einnig með 12 stig.
Íslenska vörnin þarf heldur betur að gyrða sig í brók, færsla döpur á mönnum og Svartfellingar annað hvort hreyfa boltann einkar vel og fá gott þriggja stiga skot eða þeir valsa í gegnum teiginn. Sjáum hvað síðari hálfleikur hefur í för með sér…
Hvað er að þessum gæjum í Svartfjallalandi? Þeir klikka aldrei #korfubolti
— Pálmi Freyr (@palmifreyr8) June 6, 2015
Svartfjallaland, beint oní. Það er eins og þeir séu að taka fullt af vítum… #gsse2015 #korfubolti
— Óli Ingi (@tabergid) June 6, 2015
Svakalega flott boltahreyfing hjá Svartfellingum, algjör Spurs bolti í gangi hjá þeim #korfubolti
— Snorri Örn (@snorriorn) June 6, 2015
Mynd/ [email protected] – Öll sund lokuð þegar Martin Hermannsson keyrir upp að körfu Svartfellinga í fyrri hálfleik.
