Franska körfuboltasambandið tilkynnti í gær stóran landsliðshóp en í hópnum eru 37 leikmenn sem hafa skuldbundið sig franska landsliðinu til og með Ólympíuleikanna 2020.
Auk þess mun þessi hópur leika á Eurobasket 2017 og heimsmeistaramótinu árið 2019. Í þessum 32. manna hópi eru átta NBA leikmenn og fimm leikmenn sem eru í stórum liðum í Evrópu. Stærsti hluti hópsins leikur þó í Frönsku Pro A deildinni eða 15 talsins.
Stærstu nöfnin í hópnum eru leikmenn Utah Jazz þeir Rody Gobert og Boris Diaw en Nicolas Batum er í hópnum en hann hefur gefið út að hann gefi ekki kost á sér fyrir Eurobasket. Evan Fournier leikmaður Orlando er aftur í hópnum eftir að hafa verið fyrir utan hann á síðustu Ólympíuleikum. Yngsti leikmaður liðsins er Frank Ntilikina leikmaður Strassbourg en hann er fæddur árið 1998. Ntilikina hefur gefið kost á sér í nýliðaval NBA deildarinnar í sumarið og er númer tíu þar samkvæmt DraftExpress.com.
Allir leikmenn þurfa að skrifa undir plagg þar sem þeir gefa út að þeir gefi sig alla í verkefni landsliðsins til og sýni þar með metnað til að ná árangri bæði í Evrópu og heimsvísu.
Allan hópinn má sjá hér að neðan:
|
Andrew Albicy |
Nicolas Batum | Rodrigue Beaubois | Nobel Boungou-Colo | Axel Bouteille |
| Ousmane Camara | Fabien Causeur | Nando De Colo | Boris Diaw | Antoine Diot |
| Moustapha Fall | Evan Fournier | Rudy Gobert | Thomas Heurtel | Edwin Jackson |
| Mouhammadou Jaiteh | Livio Jean-Charles | Axel Julien | Alpha Kaba | Charles Kahudi |
| Louis Labeyrie | Paul Lacombe | Nicolas Lang | Joffrey Lauvergne | Jeremy Leloup |
| Mathias Lessort | Timothe Luwawu-Cabarrot | Amath M'Baye | Adrien Moerman | Frank Ntilikina |
| Yakuba Ouattara | Vincent Poirier | Kevin Seraphin | Kim Tillie | Axel Toupane |
| Leo Westerman | Guerschon Yabusele |
Découvrez la vidéo de présentation du #TeamFranceBasket pic.twitter.com/qM9rFYpT9b
— Equipe France Basket (@FRABasketball) April 26, 2017
