Keflvíkingar lögðu Þór í Blue höllinni í kvöld í fimmtu umferð Bónus deildar karla, 96-92.
Eftir leikinn er Keflavík í 2.-3. sæti deildarinnar með fjóra sigra á meðan Þór hefur tapað öllum fimm leikjum sínum.
Leikur kvöldsins var nokkuð kaflaskiptur í fyrri hálfleiknum. Eftir betri byrjun heimamann var komið að Þór að taka stjórn á leiknum og voru þeir átta stigum yfir eftir fyrsta leikhluta, 18-26.
Því snýr Keflavík aftur sér í vil undir lok fyrri hálfleiksins og eru þeir komnir með þriggja stiga forystu þegar liðin halda til búningsherbergja.
Leikar stóðu svo nokkuð jafnir í seinni hálfleiknum þó það hafi verið Þór sem var oftar en ekki skrefinu á undan. Allt var í járnum á lokamínútunum, en undir lokin var það Keflavík sem var með yfirhöndina og náðu þeir að sigla heim gífurlega sterkum fjögurra stiga sigri, 96-92.
Stigahæstir fyrir Þór í leiknum voru Rafail Lanaras með 19 stig og Jacoby Ross með 16 stig.
Fyrir Keflavík var stigahæstur Darryl Latrell Morsell með 26 stig og við það bætti Egor Koulechov 19 stigum.
Keflavík: Darryl Latrell Morsell 26/10 fráköst, Egor Koulechov 19, Craig Edward Moller 15/12 fráköst, Hilmar Pétursson 12/10 fráköst/5 stoðsendingar, Jaka Brodnik 6/6 fráköst, Halldór Garðar Hermannsson 5, Valur Orri Valsson 3, Ólafur Björn Gunnlaugsson 0/4 fráköst, Nikola Orelj 0, Jakob Máni Magnússon 0, Eyþór Lár Bárðarson 0, Viktor Magni Sigurðsson 0.
Þór Þ.: Rafail Lanaras 19/10 fráköst, Jacoby Ross 16/5 fráköst, Konstantinos Gontikas 15, Lazar Lugic 12/12 fráköst, Emil Karel Einarsson 8/7 fráköst, Skarphéðinn Árni Þorbergsson 8, Davíð Arnar Ágústsson 3/4 fráköst, Ísak Júlíus Perdue 1, Baldur Böðvar Torfason 0, Arnór Daði Sigurbergsson 0, Tristan Alexander Szmiedowicz 0.
