Þór á Akureyri hefur samið við bakvörðinn Hjálmar Jakobsson fyrir komandi tímabil. Hjálmar, sem er 187 sentímetrar á hæð, kemur til félagsins frá Vestra þar sem hann hefur vaxið upp og unnið sér sæti í meistaraflokki.
Hann hefur einnig tekið þátt í yngri landsliðsverkefnum KKÍ og er lýst sem metnaðarfullum og efnilegum leikmanni. Hjá Þór er honum ætlað að styrkja íslenska kjarna liðsins og falla inn í stefnu félagsins um að blanda saman ungum leikmönnum og reyndari leiðtogum.
