21:48
{mosimage}
Hið magnaða mót, Scania Cup hélt áfram í dag og voru íslensku liðin á fullu frá morgni til kvölds og eru Vestmanneyingar komnir í undanúrslit í 7. flokki. Fjölnismenn eiga enn möguleika á að komast í fjórðungsúrslit og KR leikur um 7. sætið á morgun.
9. flokkur Fjölnis lék tvo leiki, unnu fyrst finnska liðið Vilpas með einu stigi 40-39 en töpuðu svo fyrir heimamönnum í Södertalje 35-66 og enduðu í öðru sæti í B riðli og eiga því enn möguleika á að komast í úrslitaleikinn. Þeir leika á morgun gegn sænska liðinu Höken um að komast áfram í fjórðungsúrslit og vinni þeir mæta þeir danska liðinu Værlöse fjórðungsúrslitunum. Róbert Sigurðsson er stigahæstur Fjölnismann það sem af er, hefur skorað 17 stig að meðaltali í leikjunum þremur.
Í 7. flokki byrjðu Vestmanneyingar á að sigra danska liðið Svendborg 48-46 og í seinni leik þeirra í dag unnu þeir sænska liðið JKS 51-47 og eru komnir í undanúrslit. Þeir eiga þó eftir að mæta Alvika í riðlakeppninni en sá leikur er úrslitaleikur um efsta sætið í riðlinum. Þeir Sigurður Grétar Benónýsson og Aron Valtýsson hafa skorað mest ÍBV manna í leikjunum þremur, Sigurður er með 16,3 stig að meðaltali og Aron með 16.
7. flokkur KR lék þrjá leiki í dag. Fyrst gegn danska liðinu Hörsholm og tapaðist sá leikur 53-44. Þá mættu KR ingar finnska liðinu Honka og unnu 50-34 en nú undir kvöld töpuðu þeir fyrir Jarva frá Svíþjóð 75-40. KR endar því í fjórða sæti síns riðils og leikur um 7. til 8. sætið á morgun gegn JKS. Högni Fjalarsson hefur verið atkvæðamestur KR inga og skorað 12 stig að meðaltali.
Nánar má lesa um mótið hér.
