Leikmaður Breiðabliks, Rúnar Ingi Erlingsson, meiddist í leik Breiðabliks og ÍA í gærkvöldi eftir 4 mínútur af leiktíma og var fluttur úr húsi í sjúkrabíl. Rúnar meiddist á ökkla og fyrstu rannsóknir gefa til kynna að ekki sé um brot að ræða heldur alvarlega áverka á liðböndum. Rúnar fer í nánari rannsóknir á miðvikudag og fær þá nákvæmari niðurstöður. Sennilega ekki drauma föstudagurinn þrettándi hjá okkar manni en hann er harður af sér og verður vafalaust kominn aftur á völlinn við fyrsta tækifæri.
Karfan.is óskar Rúnari góðs gengis og bata.
