Njarðvíkingar fóru með sigur gegn Haukum í kvöld í Reykjanesmótinu 85:80. Leikurinn var harður á báða bóga og ætluðu Haukamenn sér allt annað en að láta vaða yfir sig. Á tíma leit út fyrir hinsvegar að Njarðvíkingar væru komnir með sigurinn vísan en þá smelltu Haukar fjórum þristum í röð og komu sér aftur inn í leikinn.
Loka kafla leiksins voru það hinsvegar Njarðvíkingar sem voru skynsamir og lönduðu sem fyrr segir 85:80 sigri. Þrátt fyrir að barátta hafi verið mikil þá voru ansi skemmtileg tilþrif á báða bóga eins og sést á forsíðu mynd þessarar fréttar.
Njarðvíkingar betri aðilinn þegar á heildina er litið en nokkuð ljóst að þetta Haukalið mun ekki dvelja lengi í 1. deildinni
Hjá Njarðvík var Jeron Belin með 24 stig og 13 fráköst og Elvar Friðrikson kom honum næstur með 19 stig
Í Haukaliðinu var Aavon Williams þeirra atkvæðamestur með 27 stig og 5 fráköst.
Mynd: Jeron Belin lyfti sér yfir Þorstein Finnbogason og tróð með látum ásamt því að fá villuna. Veggspjald?
frétt/mynd: [email protected]
