KR hefur leyst Troy Cracknell undan samningi og yfirgefur hann því félagið samkvæmt fréttatilkynningu fyrr í dag.
Jakob Örn Sigurðarson, þjálfari mfl. karla:
“Troy er góður leikmaður og frábær félagi. En við metum það svo að við þurfum öðruvísi týpu af leikmanni fyrir átökin sem framundan eru. Ég vil þakka Troy fyrir hans framlag.”
Troy átti ágætis gengi að fagna með KR í fyrstu deildinni það sem af var tímabili, en liðið tapaði aðeins tveimur leikjum fyrir jól og var hann með 58 stig í síðasta leik þeirra gegn Þrótti í VÍS bikarkeppninni.
