Stólarnir hafa samið við búlgarska leikmanninn Radoslav Kolev, sem er tveggja metra framherji. Kolev kom til landsins um helgina líkt og Bandaríkjamaðurinn Josh Rivers. www.tindastoll.is greinir frá.
Á heimasíðu Tindastóls segir:
Eins og margir hafa séð hefur Tindastólsliðinu vantað fleiri leikmenn til að spila undir körfunni og var það mat stjórnar og þjálfara að stoppa þyrfti upp í það gat sem þar var.
Radoslav Kolev er leikmaðurinn sem á að rótera með Helga Rafni og Kiki undir körfunni. Hann er 200 cm á hæð og 102 kíló. Hann er sagður mikill baráttujaxl og góður frákastari.
Rado kom til landsins á laugardag og mætir á sína fyrstu æfingu með Tindastólsliðinu á mánudag.
Josh Rivers kom til landsins á sunnudag og mun einnig mæta á sína fyrstu æfingu á mánudag.
Þá er ljóst að leikmannahópur Tindastóls er fullskipaður, ekki seinna vænna, þar sem fyrsti leikurinn í Iceland-Express deildinni verður á Ísafirði á fimmtudaginn. Og nú er bara að vona að strákunum takist að koma nýju mönnum almennilega inn í hlutina á þeim þremur æfingum sem verða fram að fyrsta leik.
