Þessi spá er hluti af spá Karfan.is fyrir NBA tímabilið 2017-2018.
Portland Trailblazers
Heimavöllur: Moda Center
Þjálfari: Terry Stotts
Helstu komur: Andrew Nicholson.
Helstu brottfarir: Allen Crabbe, Festus Ezeli.
Portland Trailblazers enduðu tímabilið í fyrra virkilega vel. Eftir að þeir fengu langþráð kjöt í teiginn í Yusuf Nurkic þá tók liðið virkilega við sér og sigrarnir fóru að rúlla inn, þá fengu frábærir bakverðir liðsins loksins tækifæri til þess að spila agressívari vörn, vitandi af manni fyrir aftan þá að passa körfuna. Það fer samt alveg að koma tími á að þetta Portland lið fari að gera aðeins meira. Kannski gerist það í vetur.
Styrkleikar liðsins felast fyrst og fremst í frábærum leikstjórnanda liðsins, Damian Lillard sem hefur sýnt það á sínum NBA ferli að hann sækir í stóru skotin. Bakvarðafélagi hans, CJ McCollum er einnig frábær leikmaður og svo mannar Yusuf Nurkic teiginn. Terry Stotts þjálfari hefur svo náð fínum árangri með þetta lið og þeir verða virkilega gott sóknarlið í vetur.
Varnarleikurinn hefur verið vandamál og þá sérstaklega vörnin fyrir utan þriggja stiga línuna, ég sé það ekki breytast mikið. Þeir spila með Al Farouq Aminu sem speisar gólfið illa og svo hefur Evan Turner ekki náð að finna fjölina sína ennþá eftir að hafa fengið stórann samning. Portland liðið er með frábæra fyrstu 3 leikmenn, en restin er ekki neitt sérstaklega sterk.
Byrjunarlið í fyrsta leik:
Damian Lillard
CJ McCollum
Mo Harkless
Al Farouq Aminu
Yusuf Nurkic
Fylgstu með: Yusuf Nurkic. Við fengum að sjá í lok síðasta tímabils hvers hann er megnugur eftir að hafa lítið fengið að spila í Denver.
Gamlinginn: Enginn yfir 28 ára.
Spáin: 48–34 – 7. sæti
15. Phoenix Suns
14. Sacramento Kings
13. Dallas Mavericks
10. Utah Jazz
7. Portland Trailblazers
6.
5.
4.
3.
2.
1.
