Brynjar Þór Björnsson fyrirliði KR mætti í Morgunútvarpið hjá Rás 2 í morgun og þar var brotthvarf Kobe Bryant af sjónarsviði NBA deildarinnar rætt í bak og fyrir.
Brynjari var ekki sleppt úr hljóðveri fyrr en oddaleikur KR og Njarðvíkur var tekinn fyrir og þar var hann spurður hvort Pavel Ermolinski yrði með í kvöld, svar Brynjars var: „Já já, hann harkar þetta af sér!“
Í þættinum sagði Brynjar Þór einnig að það hefði verið erfitt að missa einn besta leikmann liðsins fjórum mínútum fyrir leikinn í Njarðvík og að lítið hefði borið á þeirri staðreynd í fjölmiðlum.
Brynjar Þór gestur Morgunútvarpsins á Rás 2
