Í gærkvöldi blésu Keflvíkingar til lokahófs körfuknattleiksdeildarinnar og var mikið um sprell og gleði. Jón Halldór Eðvaldsson hélt um veislustjórn og gerði það af mikilli fagmennsku og dansaði oft á línunni í efni sínu. Valdir voru þeir leikmenn sem þjálfurum þóttu bestir og efnilegastir ásamt því að úrvalsliðið var valið.
Það kom kannski fáum á óvart að Magnús Þór Gunnarsson og Pálína Gunnlaugsdóttir voru valin best en þau "hjónakornin" áttu skínandi tímabil með sínum liðum í vetur. Efnilegust voru svo valin þau Sara Rún Hinriksdóttir og Valur Orri Valsson. Ásamt þessum fjórum var svo Almar Guðbrandsson valinn í úrvalslið Keflavíkur 2012.
Kvöldið var hið veglegasta með tilheyrandi grillveislu, skemmtiatriðum frá leikmönnum og happadrætti þar sem að gömul kempa í boltanum, Kristín Blöndal gersamlega átti kvöldið og gekk út með skínandi nýjan hring á fingri.
Iphone Mynd: APM
