Leikmaður Þórs Pablo Hernandez Montenegro verður ekki með Þór í kvöld í fyrsta leik þeirra í undanúrslitum Subway deildarinnar. Samkvæmt heimildum Körfunnar meiddist hann á vinstri hendi í 8 liða úrslita einvígi liðsins gegn Haukum á dögunum, en ekki er vitað hvenær hann verður orðinn leikfær á nýjan leik.
Það munar um minna fyrir Þór, en Pablo hefur skilað 12 stigum og 6 fráköstum að meðaltali í 27 leikjum á tímabilinu.
