Tvær tæknivillur og brottrekstur DeAndre Kane er ekki það eina sem fólk tala um eftir hitaleik ÍR og Grindavíkur í Skógarselinu í gærkvöldi.
Í upphafi fjórða leikhluta fyrir Grindavík gerist atvikið sem sjá má hér fyrir neðan. ÍR tekur boltann inn eftir skoraða körfu í stöðunni 54-71. Grípur lykilleikmaður ÍR Jacob Falko boltann og sveiflar olbogum sínum til þess að losna frá sterkum varnarmanni Kristófer Breka Gylfasyni.
Líkt og sjá má hæfir Jacob andlit Kristófers Breka með þeim afleiðingum að hann tekur ekki frekari þátt í leiknum. Samkvæmt heimildum mun Kristófer Breki hafa hlotið nefbrot og fengið heilahristing við atvikið, en ekki er vitað hvenær hann verður kominn aftur í lið Grindavíkur. Ekkert var dæmt á umrætt atvik, hvorki venjuleg villa né óíþróttamannsleg villa.
