TCU, lið Helenu Sverrisdóttur í bandaríska háskólaboltanum, tapaði 70-65 gegn BYU háskólanum um helgina en þetta var lokaleikur TCU í deildarkeppninni í Mountain West riðlinum. Helena gerði 5 stig, gaf 4 stoðsendingar og var með 2 stolna bolta í leiknum en öll 5 stigin hennar komu af vítalínunni.
Næsta föstudag leikur TCU sinn fyrsta leik í úrslitakeppni MW deildarinnar því þær leika ekki fyrr en í undanúrslitum. TCU lauk keppni í efsta sæti MW deildarinnar þrátt fyrir tapið um helgina og því skýrist það ekki fyrr en síðar í þessari viku hverjir andstæðingar þeirra verða.
