00:04
{mosimage}
(Mikið mun mæða á Pau Gasol gegn Bandaríkjamönnum)
Nú í nótt og fram eftir laugardeginum fara sex leikir fram í körfubolta karla á Ólympíuleikunum í Peking. Stórleikur dagsins er vafalítið viðureign Bandaríkjanna og heimsmeistara Spánverja. Bæði eru liðin í B-riðli á Ólympíuleikunum og hafa unnið þrjá fyrstu leiki sína. Leikurinn fer fram kl. 22:15 í Kína og er á dagskrá hjá RÚV með 20-30 mínútna seinkun kl. 14:40.
Þýskaland, Grikkland og Kína eru jöfn í 2. sæti öll með tvo tapleiki og einn sigur en Angólamenn verma botnsætið með þrjá ósigra. Í A-riðli eru Litháar efstir á toppnum og ljóst að heimsókn íslenska liðsins hefur gert þeim gott fyrr í sumar. Litháen er ósigrað eftir þrjá leiki á mótinu og er eina taplausa liðið í A-riðli. Argentína og Króatía eru jöfn í 2. sæti með 2 sigra og einn tapleik en Rússar og Ástralir hafa einn sigurleik og tvo tapleiki og á botninum er Íran enn án sigurs.
Leikir laugardagsins í tímaröð:
Grikkland-Angóla
Rússland-Ástralía
Króatía-Litháen
Íran-Argentína
Kína-Þýskaland
Spánn-Bandaríkin (14:40 á RÚV)
Bakvörðurinn Dwyane Wade er stigahæstur á mótinu með 18,3 stig að meðaltali í leik en næstur honum er heimamaðurinn Yao Ming með 18 stig sem og Argentínumaðurinn Manu Ginobili.
Mynd: www.fiba.com
