Martin Hermannsson og Alba Berlin lögðu Oldenburg nokkuð örugglega í dag í þýsku úrvalsdeildinni, 85-67.
Martin lék rúmar 22 mínútur í leiknum, hafði hægt um sig í stigaskorun, en skilaði sex stoðsendingum og tveimur stolnum boltum.
Alba Berlin eru eftir leikinn í 3. sæti deildarinnar með fjórtán sigurleiki, fjórum sigrum fyrir neðan Bayern Munich sem sitja í efsta sætinu.
