Helena Sverrisdóttir og félagar í Good Angels Kosice gerðu í kvöld góða ferð til Tékklands þegar síðasta umferðin í C-riðili meistaradeildar kvenna fór fram. Good Angels heimsóttu þá Frisco Brno og höfðu 57-79 sigur í leiknum þar sem Helena gerði 12 stig á 20 mínútum.
Helena setti niður 5 af 9 í teignum, brenndi af einu þriggja stiga skoti og skoraði úr tveimur af þremur vítum. Þá var Helena einnig með 7 fráköst, 3 stolna bolta og 1 stoðsendingu.
Með sigrinum hafnaði Good Angels í 3. sæti í C-riðli en það eru fimm lið sem komast upp úr riðlinum og inn í útsláttarkeppni sem telur fjórtán lið.
