Hér fyrir neðan eru nokkur af þeim atriðum sem Körfunni hafa borist til eyrna á síðustu dögum er varða leikmenn, þjálfara og félög á Íslandi. Tekið skal fram að hér er um að ræða óstaðfestar fregnir og því ber að taka þeim sem slíkum.
- Orðið á götunni er að Tindastóll séu líklegir til þess að semja við leikmann íslenska landsliðsins og Union Mons í Belgíu Styrmi Snæ Þrastarson á næstu dögum, fari svo hann ákveði að yfirgefa meginlandið.
- Þá er einnig mikið rætt um framtíð leikmanns Keflavíkur Sigurð Péturssonar, en hann er nú talinn líklegastur til að semja við Stjörnuna, eða Keflavík á nýjan leik.
- Keflvíkingar eru einnig sagðir komnir langt í viðræðum við bandarískan leikmann, Remy Martin, sem lék með þeim síðast á þar síðasta tímabili.
- Leikmaður Þórs Akureyri á síðasta tímabili Amandine Toi er sögð eiga í viðræðum við Hauka.
- Þá er leikmaður Keflavíkur Agnes María Svans talin líkleg til þess að skoða tilboð frá öðrum liðum fyrir komandi tímabil, líklegir áfangastaðir eru taldir KR eða Grindavík, fari svo hún yfirgefi Bítlabæinn.
- Talið er líklegt að Þóranna Kika Hodge Carr leiki aftur fyrir Keflavík á komandi tímabili í Bónus deild kvenna.
- Hamar eru sagðir leita að þjálfurum fyrir komandi tímabil í fyrstu deild karla. Hugsanlegir arftakar Halldórs Karls Þórssonar þar eru taldir vera Benedikt Guðmundsson eða Daði Berg Grétarsson.
- Leikmaður Þórs Þorlákshöfn Ragnar Örn Bragason er sagður íhuga sín mál fyrir komandi leiktíð, en samkvæmt orðrómi er hann talinn líklegur til þess að semja við uppeldisfélag sitt ÍR.
- Leikmaður Íslandsmeistara Stjörnunnar Kristján Fannar Ingólfsson er samkvæmt orðinu á götunni líklega á förum úr Garðabænum, líklegir áfangastaðir eru taldir Keflavík eða ÍA.
- Dwayne Lautier leikmaður Njarðvíkur er sagður með tilboð á borðinu frá nokkrum liðum í Bónus deildinni, en líklegast þykir hann semji á nýjan leik við Njarðvík.
- Talið er næsta öruggt að Srdan Stojanovic leikmaður ÍA muni ganga til liðs við Sindra fyrir komandi leiktíð.
- Dino Stipcic leikmaður Álftaness er sagður nálgast samninga við fyrstu deildar lið Breiðabliks.
- Ísak Máni Wíum fyrrum þjálfari ÍR mun samkvæmt orðinu á götunni íhuga að taka við sem aðstoðarþjálfari Tindastóls og í leiðinni taka við sem yfirþjálfari yngri flokka á Sauðákróki.
Orðið á götunni er einungis til gamans og ef fólk hefur ábendingar um slúður skal hafa samband á [email protected]
