15:23
{mosimage}
(Ólafur Ólafsson í leik með U-18 ára liði Íslands)
Grindvíkingurinn Ólafur Ólafsson gerði sex stig í öruggum sigri hjá unglingaliði Eisbären Bremerhaven gegn SG FT/MTV Braunschweig í Þýskalandi í gær. Leikurinn fór fram á heimavelli Bremerhaven og urðu lokatölur 68-47 heimamönnum í vil.
Eins og fyrr segir gerði Ólafur 6 stig en hann tók einnig 2 fráköst og var með 4 stolna bolta á þeim 22 mínútum sem hann lék í leiknum.
,,Við spiluðum rosalega vörn allan leikinn og þeir skoruðu ekki yfir 20 stig fyrr en í þriðja leikhluta. Við hleyptum þeim inn í leikinn en peppuðum okkur vel upp fyrir lokasprettinn og unnum að lokum góðan sigur,“ sagði Ólafur í samtali við Karfan.is.
Næsti deildarleikur unglingaliðsins er sunnudaginn 26. október næstkomandi þegar liðið mætir Bramfelder SV á útivelli.
Tölfræði leiksins:
http://www.nbbl-basketball.de/linkit.php?menuid=61&topmenu=7&keepmenu=inactive&keepmenu=inactive