Oklahoma hjólar í toppliðin

Tíu leikir fóru fram í NBA deildinni í nótt. Oklahoma City Thunder gera ekkert annað þessa dagana en að ganga í skrokk á hinum toppliðunum í vestrinu því í nótt lögðu þeir efsta lið vestursins, San Antonio Spurs, á þeirra eigin heimavelli. Lokatölur 105-11 Oklahoma í vil þar sem Kevin Durant sallaði niður 36 stigum og hefur því gert samtals 82 stig í tveimur leikjum. Með sigrinum komst Oklahoma í toppsæti vesturstrandarinnar.

 

 

Tony Parker fór fyrir Spurs í leiknum með 37 stig, 4 stoðsendingar og 2 fráköst en Kawhi Leonard varð að yfirgefa völlinn í öðrum leikhluta með brákaðan fingur og munar nú um minna þegar svona varnarmaskína á í hlut.