Oklahoma City Thunder urðu NBA meistarar nú í nótt eftir sigur gegn Indiana Pacers í oddaleik um titilinn, 91-103.
Oklahoma höfðu verið besta lið tímabilsins í NBA deildinni og því höfðu flestir veðjað á sigur þeirra fyrir þetta einvígi þeirra gegn Pacers. Það þurfti þó margt að ganga upp fyrir þá í seríunni og kannski það sem oftast á eftir að vera rifjað upp varðandi sigur þeirra í þessum sjöunda leik eru hræðileg meiðsli Tyrese Haliburton stjörnuleikmanns Pacers í upphafi leiksins.
Pacers dóu þó ekki ráðalausir í leik kvöldsins, en mest fór á herðar Bennedict Mathurin sem setti 24 stig og tók 13 fráköst í leik kvöldsins. Fyrir City Thunder var Shai Gilgeous Alexander atkvæðamestur í kvöld með 29 stig og 12 stoðsendingar, en að leik loknum í kvöld var hann valinn verðmætasti leikmaður úrslitanna.
Titillinn er sá annar sem félagið vinnur í sögunni, en áður en liðið flutti frá Seattle höfðu þeir unnið titilinn undir nafni Supersonics árið 1979.
