12:01
{mosimage}
(Kevin Durant og félagar í Thunder lögðu Rockets í nótt)
Þrír leikir fóru fram á undirbúningstímabili NBA deildarinnar í nótt en nú eru aðeins 14 dagar þangað til að deildarkeppnin hefst. Nýja liðið Oklahoma City Thunder landaði sigri gegn Houston Rockets þar sem Kevin Durant var með 26 stig fyrir Thunder en hann var ekki í byrjunarliðinu. Hjá Rockets var Aaron Brooks með 20 stig en miðherjinn kínverski Yao Ming gerði 15 stig fyrir Rockets og tók 16 fráköst.
Þá höfðu Atlanta Hawks nauman 88-87 heimasigur á Charlotte Bobcats og gerði Joe Johnson 17 stig fyrir Hawks. Hjá Bobcats var Jason Richardson atkvæðamestur með 19 stig.
Memphis Grizzlies fékk svo Indiana Pacers í heimsókn og höfðu heimamenn 103-95 sigur í leiknum. Oj Mayo gerði 26 stig fyrir Grizzlies en T.J. Ford gerði 18 stig fyrir Indiana.
