Elvar Már Friðriksson og Anwil máttu þola tap með minnsta mun mögulegum gegn Tauron GTK Gliwice í pólsku úrvalsdeildinni í dag, 87-86.
Elvar Már lék rúmar 24 mínútur í leiknum og skilaði á þeim 10 stigum, 4 fráköstum, 7 stoðsendingum og 3 stolnum boltum, en hann var næst framlagshæstur í liði Anwil í leiknum.
Eftir leikinn eru Elvar Már og félagar í 6.-7. sæti deildarinnar með níu sigurleiki það sem af er tímabili.
