Elvar Már Friðriksson mátti þola tap gegn sínum gömlu félögum er lið hans Anwil Wloclawek frá Póllandi laut í lægra haldi gegn PAOK frá Grikklandi í FIBA Europe Cup, 104-96.
Á rúmum 27 mínútum spiluðum í leiknum skilaði Elvar Már 17 stigum, 2 fráköstum, 4 stoðsendingum og stolnum bolta, en hann var næst framlagshæstur í liði Anwil í leiknum.
Eftir leikinn eru Anwil í 3. sæti F riðils keppninnar með tvo sigra og þrjú töp þegar einn leikur er eftir.
