Körfuknattleiksáhugamaðurinn örvhenti í Hvítahúsinu hefur mikinn áhuga á NCAA boltanum. Síðustu sex árin hefur hann spáð í leikina í 64 liða úrslitum NCAA og spáin hans hefur verið sýnd á íþróttastöðinni ESPN.
Obama spáir því að Florida (1) kominst í undanúrslit ásamt Michigan St. (4), Arizona (1) og Louisville (4). Forsetinn spáir því síðan Spartverjar (Michigan) sigri Florida í öðrum undanúrslitaleiknum og Louisville vinni Arizona í hinum. Obama reiknar síðan með því að Michigan St. taki Louisville í úrslitaleiknum sem verður í Texas 7. apríl.
Obama hefur mikla trú á Tom Izzo þjálfara Michigan State og leikmönnum hans. Hann segir að Tom undirbúi lið sín vel fyrir NCAA úrslitakeppnina og kunni að stýra liði í þeirri keppni. Obama trúir því að tvíeykið Rick Pitino og bakvörðurinn snjalli Russ Smith eigi eftir að koma Louisville langt í keppninni.
