Íslenski körfuknattleiksmaðurinn Páll Gústaf Einarsson hefur skuldbundið sig til þess að ganga til liðs við Northfield Mount Hermon (NMH) menntaskólann í Bandaríkjunum fyrir komandi vetur. Páll, sem er fæddur árið 2008 og kemur úr röðum Vals, er gríðarlega hávaxinn leikmaður eða um 211 sentímetrar á hæð, og spilar hann sem framherji og miðherji.
Þjálfarateymi NMH lýsir yfir mikilli ánægju með komu hans og bindur miklar vonir við hæfileika hans, fjölhæfni og líkamsburði. Áður en Páll heldur á skólasvæðið vestanhafs í haust mun hann leika með yngri landsliðum Íslands á Norðurlandamótinu.
