Nýliðar Fjölnis í Domino’s deild kvenna hafa samið við litháenska landsliðsmiðherjann Linu Pikčiūtė um að leika með félaginu á komandi tímabili.
Lina, sem er 192 cm miðherji, hefur síðustu tímabil spilað í efstu deildum á Spáni og Þýskalandi ásamt því að spila í bæði EuroLeague og Euro Cup.
Hún hefur verið afar sigursæl á ferlinum en hún varð meistari með sínu liði í Litháen á árunum 2011 til 2014 og svo aftur 2017. Hún varð ennfremur deildarmeistari í Svíþjóð 2015, spænskur bikarmeistari 2016 og Þýskalandsmeistari 2018.
