Svo virðist sem slagsmál munu verða um titil „Besta nýliða“ NBA deildarinnar á næsta tímabili. Nýliðar á borð við OJ Mayo ( Memphis), Derrick Rose (Chicago) og Michael Beasley (Miami) svo einhverjir séu nefndir virðast vera að spila á undirbúnings tímabilinu með liðum sínum eins og þeir séu búnir að vera í deildinni til margra ára.
Í nótt skoraði Derrick Rose, sem var valinn númer eitt í valinu í ár, 30 stig fyrir Chicago Bulls í sigri á Dallas Mavericks. Michael Beasley sem valin var af Miami Heat skoraði 19 stig fyrir lið sitt og þar af 9 stig í 4. leikhluta þegar þeir sigruðu Memphis Grizzlies í nótt 102-85. Hjá Memphis var það nýliðinn OJ Mayo sem setti 28 stig. Eins og sjá má á þessum tölum má gera ráð fyrir að deildin verði gríðarlega skemmtileg í ár.
Svo má ekki gleym a að fyrsta valið frá ári síðan Greg Oden mun loksins stíga sín fyrstu skref með Portland Trail Blazers en sem kunnugt er sleit hann liðbönd í hné rétt fyrir tímabilið í fyrra.
