15:52
{mosimage}
Fyrsti leikurinn á Norðurlandamóti kvenna í körfuknattleik fór fram í dag þegar mættust Noregur og Finnland. Norðmenn komu nokkuð á óvart og lögðu Finna 60-66 en fyrirfram var talið að Finnar og Svíar væru með sterkustu liðin á mótinu. Mótið fer fram í Gentofte í Danmörku.
Norðmenn leiddu allan leikinn með litlum mun en Finnum tókst ekki að brjóta ísinn þrátt fyrir spennandi lokasprett. Kristina Tattersdill var stigahæst í liði Norðmanna með 20 stig og 9 fráköst en hjá Finnum var Sandra Valikoski með 21 stig og 8 fráköst.
Næsti leikur er viðureign Svía og Dana sem hefst núna á slaginu 16:45 en íslenska liðið leikur sinn fyrsta leik á morgun, einmitt gegn Svíum kl. 14:30 að íslenskum tíma.
