20:47
{mosimage}
KR ingar þurfa nú aðeins einn sigur enn til að tryggja sér deildarmeistaratitilinn í Iceland Express deildinni þetta árið en þeir sigruðu Tindastól 96-80 í kvöld. Njarðvíkingar unnu Keflvíkinga öðru sinni í vetur þegar þeir lögðu þá í Keflavík 73-83 og Njarðvíkingar eiga möguleika á að ná fjórða sætinu af Keflavík. Blikar unnu gríðarlega mikilvægan sigur á nágrönnum sínum úr Stjörnunni 83-78 og eru nú komnir úr mestu fallhættunni. Í úrslitakeppni Iceland Express deildar kvenna unnu Hamarsstúlkur Val 72-63 í Hveragerði og leiða 1-0. Heath Sitton skoraði 19 stig fyrir Njarðvík í kvöld en Sigurður Þorsteinsson var stigahæstur Keflvíkinga með 24 stig.
Í DHL höllinni skoruðu Helgi Már Magnússon og Jón Arnór Stefánsson 18 stig hvor fyrir KR inga en Svavar Birgisson var stigahæstur Sauðkrækinga með 18 stig.
Nemanja Sovic skoraði 28 stig og tók 15 fráköst fyrir Breiðablik en Justin Shouse skoraði 28 stig fyrir bikarmeistarana sem hafa ekki unnið leik eftir að þeir unnu bikartitilinn.
Julia Demirer skoraði 23 stig fyrir Hamar í kvöld og tók að auki 19 fráköst. Melissa Mitidiero skoraði 22 stig yfir Val en Signý Hermannsdóttir skoraði 18 stig og tók 21 frákast.
