Njarðvík lagði ÍR í kvöld í Hellinum í Breiðholti í lokaleik 8 liða úrslita VÍS bikarkeppni kvenna, 39-84. Njarðvík eru því komnar áfram í undanúrslitin þar sem að Fjölnir bíða þeirra.
Atkvæðamestar fyrir heimakonur í kvöld voru Aníka Lind Hjálmarsdóttir og Sólrún Sæmundsdóttir. Aníka Lind skilaði 12 stigum, 8 fráköstum, 3 stoðsendingum og 4 vörðum skotum. Sólrún bætti svo við 7 stigum, 5 fráköstum og 2 stoðsendingum.
Fyrir gestina úr Njarðvík var það Lára Ösp Ásgeirsdóttir sem var stigahæst með 17 stig og þá skilaði Helena Rafnsdóttir 16 stigum og 3 fráköstum.
Undanúrslit keppninnar eru því klár, en leikið er komandi miðvikudag 15. september.
Fjölnir gegn Njarðvík kl. 18:00 í Dalhúsum
Valur gegn Haukum kl. 20:00 í Origo Höllinni
