17:09
{mosimage}
(Tekst Orlando að hafa hemil á Bosh?)
Viðureign Orlando Magic og Toronto Raptors verður sýnd í beinni útsendingu á NBA TV kl. 23:00 í kvöld. Alls fara 11 leikir fram í NBA deildinni í nótt svo það verður mikið um að vera. Leikur Orlando og Toronto fer fram á heimavelli Orlando í Amway Arena í Orlando í Flórída. Takist Toronto að landa sigri í kvöld verður það í fyrsta sinn í sögu félagsins sem þeir vinna alla deildarleikina gegn Orlando á einni leiktíð. Toronto hefur til þessa unnið 41 leik en tapað 33.
Einnig verður gaman að sjá hvernig grannarimma Los Angeles Lakers og Los Angels Clippers fer í nótt er liðin mætast í Staples Center í Los Angels. Það er verðugt verkefni fyrir Clippers að leggja granna sína að velli með Kobe sjóðheitan en í gær varð Kobe Bryant yngsti leikmaður NBA sögunnar til þess að rjúfa 19.000 stiga múrinn. Það varpaði þó skugga á met Kobe að Lakers skyldu hafa tapað þessum metleik, 105-111 gegn Denver Nuggets. Það var jafnfram þriðji ósigur Lakers í fjórum leikjum. Clippers keppast við að komast inn í úrslitakeppnina og það annað árið í röð. Ef það tekst verður það í fyrsta sinn í sögu félagsins sem liðið kemst tvö ár í úrslitakeppnina í röð síðan leiktíðan 1992-1993.
Aðrir leikir næturinnar:
Wizards-Bobcats
Nets-Hawks
Knicks-76ers
Pistons-Bulls
Bucks-Celtics
Hornets-Supersonics
Rockets-Warriors
Nuggets-Kings
Trail Blazers-Jazz
NBA TV er hægt að nálgst í Sportpakkanum hjá SÝN
{mosimage}
