21:00
{mosimage}
Íslenska íþróttafólkið fékk óvænta heimsókn í húsakynni sín í Ólympíuþorpinu í Peking í gær. Bandaríska karlalandsliðið í körfuknattleik var þar á ferðinni að heimsækja bandaríska íþróttamenn og kíktu þeir LeBron James og Jason Kidd í heimsókn á ganginn hjá íslenska liðinu.
James er sem kunnugt er leikmaður Cleveland Cavaliers og Kidd er í herbúðum Dallas Mavericks en hann hefur komið víða við á löngum ferli sínum í NBA-deildinni. Bandaríska liðið ætlar sér ekkert annað en gullverðlaun á þessum leikum eftir að liðið endaði í þriðja sæti á leikunum í Aþenu fyrir fjórum árum. Bandaríkin hafa 16 sinnum fagnað sigri í körfuknattleik karla á ÓL og eru þeir mættir með gríðarlega sterkt lið til leiks í Peking.
Mynd: www.wordpress.com
