Jeremy er að spila sitt annað tímabil í NBA og það fyrsta með New York. Hann spilaði með Golden State í fyrra þar sem hann spilaði að meðaltali 9,8 mínútur í leik og tók aðeins þátt í 29 leikjum af 82. Golden State bauð Jeremy samning eftir Vegas Summer League þar sem hann spilaði með Dallas Mavericks og segja má því að Jeremy hafi farið svipaða leið og Jón Arór Stefánsson inní NBA deildina.
Að öðrum úrslitum má nefna sterkan útisigur Atlanta á Orlando í framlengingu en Atlanta hefur spilað framar björtustu vonum í vetur eftir að hafa mist lykilmann í meiðsli út tímabilið, Al Horford. Josh Smith fór á kostum í leiknum og skoraði 23 stig og hirti 19 fráköst, einu meira heldur en besti miðherji deildarinnar, Dwight Howard. Atlanta eru eftir sigurinn í fjórða sæti í Austurdeildinni með 67% sigurhlutfall. Orlando sitja í sjötta sæti með 59% sigurhlutfall.
Úrslit næturinnar
Boston 74 – 86 Toronto
Los Angeles Clippers 78 – 77 Philadelphia
Miami 106 – 89 Washington
Chicago 95 – 64 Charlotte
Atlanta 89 – 87 Orlando
New Jersey 92 – 109 Detroit
Milwaukee 113 – Cleveland
Los Angeles Lakers 85 – 92 New York
Indiana 92 – 98 Memphis
Portland 94 – 86 New Orleans
Dallas 104 – 97 Minnesota
Oklahoma 101 – 87 Utah