09:18
{mosimage}
(Rasual Butler)
New Orleans Hornets tóku Boston Celtics í kennslustund í NBA deildinni í nótt þegar liðin mættust Ford Center í Oklahoma City. Lokatölur leiksins voru 106-88 New Orleans í vil þar sem Rasual Butler var atkvæðamestur í liði Hornets með 18 stig. Hjá Celtics gerði Paul Pierce 28 stig. Það var annar leikhlutinn sem gerði útslagið hjá Boston en þá gerðu þeir aðeins 9 stig gegn 31 frá Hornets.
Einn leikur enn var í NBA deildinni í nótt þegar Atlanta Hawks og Sacramento Kings mættust í Philips Arena í Atlanta. Heimamenn fóru með góðan 99-76 sigur af hólmi þar sem Josh Childress gerði 25 stig í liði Atlanta. Troðslukappinn Josh Smith var ekki langt frá því að landa þrennu er hann gerði 9 stig, tók 12 fráköst og gaf 10 stoðsendingar fyrir Atlanta. Hjá Kings var það Corliss Williamson sem gerði flest stig eða 14 talsins.
