09:28
{mosimage}
(Garnett hefur ríka ástæðu til þess að brosa þessa dagana)
Sjö leikir fóru fram í NBA deildinni í nótt og dró það helst til tíðinda að Boston Celtics stöðvaði 22 leikja sigurgöngu Houston Rockets og það á heimavelli Rockets. Celtics sem eru með besta sigurhlutfall deildarinnar og jafnframt sigursælasta liðið í deildinni frá upphafi skelltu Tracy McGrady og félögum í Rockets 74-94.
Það var magnaður þriðji leikhluti Celtics sem gerði út um heimamenn en þriðja leikhluta unnu Celtics 32-16. Kevin Garnett var atkvæðamestur hjá Celtics með 22 stig og 11 fráköst. Stjörnuleikmaðurinn Tracy McGrady hafði hægt um sig hjá Rockets í nótt með 8 stig en stigahæstur heimamanna var Luis Scola með 15 stig og 8 fráköst.
Önnur úrslit næturinnar:
Detroit Pistons 136-120 Denver Nuggets
Milwaukee Bucks 106-112 Miami Heat
Chicago Bulls 112-96 New Jersey Nets
Dallas Mavericks 100-102 LA Lakers
Sacramento Kings 122-102 Golden State Warriors
Portland Trail Blazers 98-111 Phoenix Suns