11:18
{mosimage}
(Danny Ainge)
Sporting News standa árlega fyrir kjöri á stjórnanda ársins í NBA-deildinni. Að þessu sinni var Danny Ainge, framkvæmdastjóri Boston Celtics, kjörinn stjórnandi ársins en Sporting News leitaði til allra framkvæmdastjóra og helstu ráðamanna í NBA-deildinni.
Ainge fékk 18 af 47 atkvæðum, annar í kjörinu var Mitch Kupchak framkvæmdastjóri L.A. Lakers en hann fékk 14 atkvæði og Jeff Bower hjá New Orleans hlaut 12 atkvæði.
,,Hann gerði frábærar breytingar á liði Boston en þeir áttu í vandræðum í fyrra en með tveim skiptum og öðrum viðbætum setti liðið met,” sagði Bryan Colangelo forseti og framkvæmdastjóri Toronto.
Mynd: AP