09:12
{mosimage}
(Rajon Rondo var stigahæstur í liði Celtics í nótt með 26 stig)
Ekkert lát er á sigurgöngu Boston um þessar mundir en í nótt urðu New York Knicks fórnarlömb meistaranna sem lönduðu sínum átjánda sigri í röð í NBA deildinni. Lokatölur voru 124-105 Boston í vil sem hafa nú jafnað félagsmet sitt sem var 18 leikir í röð. Annað kvöld mætir liðið Philadelphia 76ers í TD Banknorth Garden og getur þar slegið félagsmetið með sigri.
Boston hefur nú unnið 26 leiki og tapað 2 í deildinni. Stigahæstur í liði Boston í nótt var Rajon Rondo með 26 stig en hann gerði 18 stig í 3. leikhluta. Rondo var einnig með 6 fráköst og 5 stoðsendingar. Quentin Richardson var með 29 stig í liði Knicks en liðið frá stóra eplinu tefldi aðeins fram sjö leikmönnum í nótt þar sem 5 voru skráðir á meiðslalista.
Þrír aðrir leikir fóru fram í nótt:
Atlant Hawks 85-78 Detroit Pistons
Washington Wizards 86-97 Dallas Mavericks
Oklahoma City Thunder 91-102 Cleveland Cavaliers
