KR spilar seinni leik sinn í einvíginu gegn Belgíska liðinu Belfius Mons í FIBA Europe Cup í kvöld. Liðin léku í DHL-höllinni fyrir viku síðan en þá hafði Belfius Mons betur 88-67 en KR átti ekki góðan síðari hálfleik gegn belgíska liðinu. Nánar um fyrri leikinn má lesa hér.
Íslands-og bikarmeistarar KR þurfa því að snúa við 21 stigs tapi í kvöld. Takist þeim það ekki er þátttöku þeirra í Evrópukeppninni lokið þetta árið. Leikurinn fer fram í Mons Arena í bænum Mons en höllin tekur 4000 manns. Belfius Mons tapaði fyrsta leik Belgísku deilarinnar um síðustu helgi gegn Oostende 74:85.
Ljóst að verðugt verkefni býður KR í kvöld en leikurinn hefst kl 18:30 að Íslenskum tíma. Ekki er ljóst hvort leikurinn er sýndur í beinni útsendingu á netinu en Karfan.is mun flyta fréttir af honum í kvöld.
