Tveir leikir fara fram í Dominos deild karla í kvöld. Suðurnesjaslagur er í Ljónagryfjunni þar sem að heimamenn í Njarðvík taka á móti Grindavík. Þá halda nýkrýndir bikarmeistarar KR norður á Akureyri þar sem þeir leika við nýliða Þórs.
Einnig eru þrír leikir í 1. deildinni. Helstan ber þar að nefna slag Fjölnis, sem er í 2. sæti deildarinnar og Vals, sem er sæti neðar í því 3. Leikurinn mjög mikilvægur fyrir bæði liðin í baráttu þeirra við topplið Hattar um efsta sæti deildarinnar, en það er jafnframt eina sætið sem tryggir beina leið aftur upp í Dominos deildina.
Leikir dagsins
Dominos deild karla:
Njarðvík Grindavík – kl. 19:15
Þór Akureyri KR – kl. 20:00 í beinni útsendingu Stöð 2 Sport
1. deild karla:
Vestri Hamar – kl. 18:30 í beinni útsendingu Jakinn Tv
Ármann FSu – kl. 19:15
Valur Fjölnir – kl. 19:30