Íslenska landsliðið var á sinni síðustu æfingu á Íslandi fyrir Eurobasket en liðið ferðast til Helsinki í fyrramálið. Á æfingunni var lokahópur Íslands formlega kynntur en hann er sá sami og ferðaðist til Litháen og Rússlands.
Fjölmiðlamenn og ljósmyndarar voru á æfingunni og ræddu við landsliðsmenn en viðtöl við leikmenn og þjálfara birtast á Karfan.is með deginum.
Bára Dröfn ljósmyndari Karfan.is var á staðnum og náði góðum myndum af liðinu. Góður andi var í hópnum en það var nokkur eftirvænting í hópnum fyrir ferðalagið á Eurobasket.
Þann 31. ágúst klukkan 13:30 á íslenskum tíma stígur Ísland á völlinn gegn sterku liði Grikklands. Það verður fyrsti leikur Íslands af fimm leikjum á átta dögum.
